كيفاش تدي الباك ؟؟؟

كيف تحصل على البكالوريا في هذه البلاد ؟ حسب تجربتي في السنوات الأخيرة " الباك " مايديهش إلا من لا يريد ، لهذا فلا تدع الخوف و الشكيل يسيطر على عقلك خاصة هاذوك تاع الوزارة دارت الوزارة فعلت ، لا تنتبه لهم كثيرا ربما قد يفيدونك في يوم أو يومين نتاع إضراب لكن في الأخير هوما يدوا الباك و أنت قعد تعس فيهم .
1 - أكد على كلشي فالباك ماكاش مادة أساسية و أخرى ثانوية كل نقطة راها لازماتك .
2 - احفظ شوية " ماتلعبهاش قافز " و تقعد كل النهار و أنت تخرمط في الفايسبوك.
3 - عند الدروس الخصوصية - إذا كنت ديرهم و ما كليتش دراهمهم - تبع مع الأستاذ و سأله في أي حاجة مافهمتهاش .
4 - خليك مال....... و الله ما مليح علابلك خاصة الشهر تاع التفاوات .
5 - الأن زير روحك ، العتبة ما كان علاه تتكل عليها رايحين يحذف درس كل عام يحذفوه غير ما كان علاه تطمع.
في الأخير نتمنى الجميع ، يطلع للجامعة وين غادي يكره حياته بصح ما عليش المهم يكون طالب جامعي و ما يخصهش " تأشيرة الدخول " كي يغيب و لا يجيب الولي ، هذا الخالوطة بالاك تفيد صاحبك لا تفيد واحد من صحابه إنشرها يعطيك الصحة ، بالتوفيق.